Agora yá lo entiendo: importa más
la vida que esta montonera versos,
que les palabres todes si l'amor
(o cualquier otra cosa que festexes)
nun ye más que un xestu que cada día
esperes con impaciencia. Importa
más la vida ya caminar ensin priesa
sabiendo que atrás queden les palabres
diches, l'amor consumíu. El tiempo
dexa escrito de nós ente el silencio
bien poques coses. La memoria miente
cuando pasa, saluda ya diz: volvo
agora pa que celebres los díes
felices, d'entós. Di-y que non, d'aquello
namás queden zalegos que l'olvidu
nun quixo devorar. Nada que importe

Antón García, "Palabres", en Los cien meyores poemes en llingua asturiana (selección de Pablo Marín Estrada), Ámbitu, 2001